[1553]
DE LA VILLE DE PARIS.
89
CXLII. — L'ordre tenu a remettre les Corps Sainctz C.
4 janvier i553. (Â fol. 32 r°; B fol. ;4 v°.)
Du mercredi iiii" jour de Janvier ensuivant vc lu.
Aujourd'huy, mess™ les Echevins sont allez trouver inonsr le Prevost des Marchans en son hostel, duquel lieu sont partiz emsemblement, environ les sept heures du matin en habitz des champs, pour aller à Sainct Denis cn France assister à la solempnité qui se fera cedict jour à remonster les Corps Sainctz, suivant le mandement du Roy, et où led. Seigneur estoit en personne.
Eulx arryvez à Sainct Denis, sont allez descendre en la maison du Greffier qui avoit esté retenue pour eulx, auquel lieu se sont vestuz de leurs robbes my parties; les Sergens de la Marchandise de l'Eaue et du Parlouer aux Bourgeoys, de leurs robbes de li­vrée et navire d'orfaverye surl'espaulle, avec quelque nombre d'archers et arbalestriers [et hacquebutiers de ladicte Ville] aussi vestuz de leurs hocquetons de livrée, marchans devant mesd. Sieurs, acompaignez de mess™ les Conseillers, Quarteniers et d'ung bon nombre de bourgeois, sont entrez eh l'eglise Sainct Denis, en laquelle par le maistre des Ceremonies leur a esté baillé leurs places, et se sont assis au premier cueur, aux haultes chaizcs du costé se­nestre vers la fin dud. cueur;
Au dessus de eulx, les generaulx de la Justice des Aydes; et après lesd, generaulx mess™ des Comptes.
Aux basses chaizes mess" les Conseillers, Quar­teniers et bourgeoys de lad. Ville.
Au costé dextre du cueur, aux haultes chaizes à l'opposite de Mess" de la Ville estoit le Recteur de l'Université et ses suppostz'2' ;
Et après eulx mess™ de la Court de Parlement, vestuz de leurs robbes d'escalatte, les quatre presi­dens leurs mortiers d'or en leurs testes.
Au dessus d'eulx, en la derniere chaize prochaine dc l'issue du cueur, estoit messire Jehan Bertrand,
chevalier, garde des Seaulx de France'3', vestu d'une robbe dc velours noir.
Aux basses chaizes de ce rencq, les gens d'église et bedeaulx du Recteur, garniz de leurs masses d'ar­gent.
Le trés chrestien Roy Henry avec sa noblesse es­toit dedans le second cueur où sont les sepulchres des Roys.
Ainsi que ces choses se ordonnoient'4', estans trois presidens des generaulx de la Justice des Aydes assiz en leurs places et vestuz de robbes d'escarlattes, portans surl'espaulle le chapperon fourré de leltices, chose nouvelle et inacoustumée, et que mess™ de la Court de Parlement n'auroient voullu souffrir; par quoy auroit lad. Court envoyé ung huissier vers eulx leur signiffier qu'ilz eussent à oster leursd, chappe­rons comme à eulx impertinans : ce qu'i feurent ref­fusans de faire.
De rechef lad. Court leur envoya signiffier qu'ilz eussent à les oster, en peyne de dix mil livres parisis d'amende, dont ilz ne feirent pas grand compte; mais depputerent aucuns d'eulx pour aller vers le Roy pour luy demander congé et permission de porter lesd, chapperons fourrez; qui leur fut donné pour ceste foys, soubz leur donner à entendre.
Quoy sachant par lad. Court de Parlement, en­voya [vers led. seigneur Roy] le Procureur General du Roy [et Advocat] en icelle par devers led. Sr luy faire remonstrance qu'il n'appartenoit ausd. Gene­raulx de porter robbe d'escarlate et chapperons four­rez, et que jamais leurs predecesseurs ne l'avoient voullu entreprandre; et qu'il n'appartenoit que à la souveraine Court de Parlement qui estoit son ymage et représentation, et creez par s' Charle-maigne à l'exemple des cent sénateurs de Romme,
O Rubrique de B : L'ordre que l'on tint à remonster les Corps Sainctz.
I2) Le registre B offre ici un développement intéressant : . . .ls Recteur et Unicersité où se trouverent plusieurs docteurs tant de la faculté de Theologie que de Medecine, entres autres noz maistres Maillart et Picart.
<3' Jean Bertrand, fils d'un procureur général au Parlement de Toulouse où il fut lui-même premier président (i536), avant d'étre appelé à Paris par lu faveur du Connétable de Montmorency. Premier president du Parlement de Paris ( 155o ), garde des sceaux (22 mai 1551), il résigna ses fonctions après la mort de sa femme, pour entrer dap.s les ordres. Il fut successivement .pourvu de l'évêché de Saint-Bertrand do Comminges (1 555), do l'archevêché de Sens el du titre cardinalice, ll mourut à Venise le 4 dé­cembre i56o. — Son fils, Guillaume Bertrand, conseiller au Grand Conseil et maitre des Requêtes, périt ù la Saint-Barthélemy.
I4-) En marge de ce passage, on lit ces diverses rubriques : A ) Les generaulx de la Justice portans- robbes d'escarlate et chaperons fourrez. — B) Deffences aux generaulx de ne porter chaperons d'escalate.
iMmiucniE -4T[0"it£.